Klei kƀĭn tal 10 kruăk leh hdră ksiêm dlăng lu hdră bhiăn, hdră mtrŭn dưi bi mklă lu êdi mơ̆ng êlâo truh ară anei. Bruă čih mkra klei bhiăn mơ̆ng klei bi kƀĭn tal 10 bi mklă leh Hdră mtrŭn 66 Phŭn bruă kđi čar hŏng klei čiăng jih thŭn 2025 ruh mtlaih jih klei gun kpăk kơ hdră bhiăn, 2027 rơ̆ng klei ba yua gru hmô bruă knŭk kna alŭ wăl dua gưl, 2028 bi leh klei bhiăn bruă duh bi liê, mnia mblei, ba wăl anôk duh bi liê mơ̆ng Việt Nam dôk hlăm êpul 3 ala čar ba akŏ ASEAN. Kơ mta kñăm mđĭ kyar 2 mrô mơ̆ng thŭn 2026 bi êdah klei čang hmăng prŏng, klei gĭr prŏng mơ̆ng jih anôk bruă kđi čar hlăm wưng đĭ kyar mrâo mơ̆ng ala čar.

Hdră msir tal êlâo jing mđing mtrŭt mđĭ kyar mguôp hŏng bruă rơ̆ng kjăp klei đĭ kyar hdră duh mkra, mjing boh kdrŭt klă sĭt kơ klei bhiăn, mjing wăl anôk duh bi liê jăk găl, êđăp ênang. Knŭk kna brei mdĭ bruă ba mdah hră mơar ktrâo lač lehanăn hluê ngă tŭ dưn dŭm hdră bhiăn, hdră mtrŭn mâo Anôk bruă kƀĭn ala bi mklă, rơ̆ng dŭm klei bhiăn, hdră mtrŭn pral mŭt hlăm klei hdĭp./.