Khánh Hòa gĭr msir mghaih êlan klông leh klei adiê hjan êa lip
Thứ sáu, 10:43, 12/12/2025
VOV TAYNGUYEN
VOV TAYNGUYEN
VOV.Êđê- Êpul djŏ tuôm Khánh Hòa dôk gĭr mkra dŭm ktuê êlan leh klei klưh hroh leh gưl adiê hjan êa lip, hlăm anăn Êlan dơ̆ng prŏng 27 C – kdrêč găn kčŭn čư̆ Khánh lê – mâo mđing msir mghaih čiăng pral mkŏ Nha Trang – Đà Lạt.
Mơ̆ng hruê 16/11 truh ară anei, Êlan dơ̆ng prŏng mrô 27 C mâo 52 anôk klưh hroh, 35 anôk amâo dưi găn êrô. Čar Khánh Hòa amâo lŏ brei găn êrô kñăm rơ̆ng klei êđăp ênang lehanăn mjêč lŏ mkra. Amâo djŏ knŏng êlan dơ̆ng 27C, adiê hjan êa lip ngă lu alŭ wăl ti Khánh Hoda amâo dưi găn êrô, boh nik êlan hang lehanăn êlan treng.
Ênoh luič liê bruă êlan klông tĭng truh 1.970 êklai prăk. Leh êa hrŏ, dŭm alŭ wăl ba nao leh kdrăp mnơ̆ng msir mghaih. Truh ară anei, 28/29 ktuê êlan klưh hroh dưi găn êrô. Knŏng êlan dơ̆ng 27C dôk msir mghaih kyua bô̆ êlan dôk êbhơr./.
Viết bình luận