Hluê si klei hưn, sa mlan êgao, bruă Đảng, bruă knŭk kna gưl ƀuôn hgŭm ti Gia Lai pral ba mdah hră mơar gĭt gai, ngă leh bruă mkŏ dăp mnuih mă bruă, mprăp kdrăp mnơ̆ng čiăng ba yua anôk bruă knŭk kna. Anôk tŭ mă lehanăn msir mgaih klei ngă hră mơarba wĭt lu boh tŭ dưn, hŏng êbeh 163 êbâo mta hră mơar mâo tŭ mă, msir mghaih djŏ wưng kčah 97,65%... 

Khă snăn, truh kơ ară anei, hră mơar ktrâo lač kơ gưl ƀuôn hgŭm dôk mđĭ mđăl, ênoh mnuih mă bruă kƀah,boh nik phung mă bruă thơ̆ng kơ kdrăp mrâo. Anôk bruă nah gŭ ti lu ƀuôn hgŭm jhat rai, kdrăp mă bruă amâo bi knar. Ti anăp klei anei, Hồ Quốc Dũng, Khua bruă Đảng čar Gia Lai mtă kơ dŭm alŭ wăl lŏdơ̆ng bi kjăp, bi ênŭm anôk mă bruă, čih mkra klei bhiăn mă bruă kjăp. Dŭm knơ̆ng, dhar bruă brei bi hgŭm mkŏ mjing dŭm adŭ mjuăt bi hriăm klei thâo kơ bruă hluê hdră “Djă kngan ktrâo bruă” kơ phung knuă druh ƀuôn hgŭm; ksiêm dlăng lehanăn ba mdah hdră ruah amâo dah tiŏ nao phung knuă druh mơ̆ng dŭm anôk bruă mkăn nao ti anôk dôk kƀah mnuih mă bruă. Čar srăng mkăp hlăm brô 250 êklai prăk đru kơ dŭm ƀuôn hgŭm blei mprăp mnơ̆ng yua kơ klei mă bruă./.