Hà Nội bi mklă 2 hdră bruă prŏng mlih mrâo, mđĭ kyar wăl anôk ƀuôn prŏng leh anăn mđĭ kyar
Thứ hai, 10:39, 15/12/2025
H'Zawut Ƀuôn Yă/VOV Tây Nguyên
H'Zawut Ƀuôn Yă/VOV Tây Nguyên
VOV.Êđê- Hŏng lu phung bi ala tŭ ư, aguah 14/12, Êpul gơ̆ng bruă ƀuôn sang ƀuôn prŏng Hà Nội bi mklă Hdră mtrŭn bi liê kơ Hdră bruă ruŭ mdơ̆ng wăl anôk ktuê hang krông Hồng leh anăn Hdră mtrŭn bi liê kơ hdră bruă rŭ mdơ̆ng wăl ƀuôn prŏng mjuăt asei mlei Olympic.
Dua hdră bruă srăng rŭ mdơ̆ng hlăm hruê 19/12 kơ anăp leh anăn mĭn tĭng bi leh hlăm thŭn 2030 gưl 100 thŭn mkŏ mjing Đảng.
Bi trông kơ dua hdră bruă prŏng mơ̆ng Ƀuôn prŏng phŭn, klei blŭ phung bi ala Êpul gơ̆ng bruă ƀuôn sang ƀuôn prŏng bi êdah klei bi tŭ ư čiăng kơ dŭm hdră bruă mjing boh kdrŭt kơ Ƀuôn prŏng phŭn mđĭ kyar hlăm dŭm thŭn kơ anăp, boh nik đru hlue ngă hnơ̆ng đĭ kyar 2 ênoh mrô mơ̆ng thŭn 2026 leh anăn dŭm thŭn kơ anăp. Kơ hdră bruă ktuê hang krông Hồng, hlue si pô bi ala Trịnh Xuân Quang, jing hdră bruă yuôm bhăn, đru mđĭ kyar êdah kdlưn kơ bruă duh mkra ala ƀuôn, mđĭ kyar wăl ƀuôn prŏng ti Ƀuôn prŏng phŭn, hŏng klei čang hmăng prŏng.
Viết bình luận