Khua knŭk kna mtă kơ Anôk bruă kriê dlăng hdră bruă tač êdeh phiơr prŏng Long Thành jak iêô lu hĭn phung mă bruă rŭ mdơ̆ng “3 gưl, 4 êpul”, ngă hruê mlan hlăm anôk rŭ mdơ̆ng, mjing ai êwa kdrăm kơah, jih ai tiê; lŏ dơ̆ng bi mdoh wăl hdĭp mda, čuh hli leh anăn pla rơ̆k ti wăl krah, nah ngŏ leh anăn nah yŭ wăl tač êdeh phiơr.

Khua knŭk kna mtă kơ Êpul kahan 7, Phŭn bruă lĭng kahan,  ba nao thiăm mnuih, dŭm êpul kahan hŏng Anôk bruă kriê dlăng hdră  bruă tač êdeh phiơr prŏng Long Thành kih mdoh wăl hdĭp mda, lŏ dơ̆ng gĭr rơ̆ng klei găl čiăng drông gưl phiơr tal êlâo hlăm hruê 19/12 kơ anăp. Khua knŭk kna đăo knang, phung djŏ tuôm srăng  lŏ dơ̆ng gĭr hĭn čiăng mjêč bi leh, ba yua tač êdeh phiơr Long Thành hnơ̆ng prŏng hŏng êlan mkŏ jăk, mđĭ kyar bruă duh mkra tač êdeh phiơr, êlan phiơr hlue si klei Khua gĭt gai Đảng Tô Lâm mtă mtăn.