K’iăng Khua Knŭk kna Nguyễn Hòa Bình mă bruă hŏng sang măi Vinfast leh anăn kdrŭn ksĭ Hateco Hải Phòng
Thứ hai, 10:39, 15/12/2025
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Tlam mbruê 14/12, êpul ngă bruă mơ̆ng Knŭk kna mơ̆ng k’iăng Khua Knŭk kna Nguyễn Hòa Bình nao čuă leh anăn mă bruă ti Sang măi WinFast leh anăn krŭn ksĭ prŏng Hateco Hải Phòng.
Hlăm mmông mă bruă, bi ala knơ̆ng bruă mkra mjing leh anăn mnia mblei VinFast hưn hŏng êpul ngă bruă leh anăn k’iăng Khua Knŭk kna kơ dŭm boh tŭ dưn thŭn 2025. Yap truh mlan 11, knơ̆ng bruă ba čhĭ 147.450 boh êdeh êran hŏng pui kmlă, bi klă gưl tal êlâo dưi ba čhĭ êgao 100.000 boh êdeh hlăm 3 wưng 3 mlan akŏ thŭn.
VinFast ăt dôk gĭr mđĭ hnơ̆ng ba čhĭ hlăm lăn čar êbeh 80% hlăm thŭn 2026 leh anăn pŏk mlar anôk mnia mblei hŏng dŭm sang măi dơ̆ng ba yua ti India leh anăn Indonesia. K’iăng Khua Knŭk kna mñă ktang, Knŭk kna srăng lŏ dơ̆ng hrăm mbĭt, mkŏ mjing klei găl, đru kơ dŭm knơ̆ng bruă msĕ si Vinfast leh anăn Hateco kdlưn hĭn.
Viết bình luận