Bruă Đảng ƀuôn hgŭm Êa Mdroh – ƀuôn hgŭm kđông kahan krŭ kdơ̆ng ti čar Dak Lak, mrâo mkŏ mjing tŭ dưn Klei bi kbĭn phung bi ala tal sa, wưng thŭn 2025-2030. Klei kƀĭn ba mdah kơ dŭm hdră msir bruă klam klă klơ̆ng čiăng ba wĭt boh tŭ hlăm hdră mkŏ mkra krĭng ƀuôn sang mrâo hlăm thŭn 2030.

Wưng thŭn mrâo truh kơ thŭn 2030, bruă Đảng ƀuôn hgŭm Êa Mdroh mâo mta kñăm gĭr ktưn bi leh hdră mkŏ mkra krĭng ƀuôn sang mrâo, hnơ̆ng đĭ kyar bruă duh mkra grăp thŭn mâo 8 – 10%, hnơ̆ng yuôm bruă pla mjing mnơ̆ng dhơ̆ng truh thŭn 2030 mâo 29 êbâo êklai prăk, hnư hrui wĭt kah knar grăp čô mâo 80 êklăk prăk/čô/thŭn…. Klei kƀĭn hưn mthâo leh Klei bi mklă mơ̆ng bruă Đảng čar Dak Lak, ruah phung khua hlăm Anôk dlăng bruă Đảng ƀuôn hgŭm Êa Mdroh wưng thŭn 2025 – 2030 mâo 26 čô, Anôk dlăng bruă Đảng ƀuôn hgŭm mâo 11 čô. H’Giang Niê, Khua bruă Đoàn čar Dak Lak hđăp dưi ruah ngă Khua bruă Đảng ƀuôn hgŭm Êa Mdroh, wưng thŭn 2025 – 2030./.