Klei kƀĭn hmư̆ leh klei hưn mdah, klei čiăng mơ̆ng dŭm alŭ wăl hlăm bruă hluê ngă bruă klam djuê ana, klei đăo leh ngă bruă knŭk kna alŭ wăl dua gưl.

Hluê anăn, lu klei blŭ brei Phŭn bruă Djuê ana lehanăn Klei đăo hnưm đru kčĕ hŏng Knŭk kna mkra mlih, thiăm mbŏ dŭm mta hlăm hdră mtrŭn dôk hluê ngă bi djŏ guôp hŏng bruă knŭk kna alŭ wăl 2 gưl, msĕ si: Hdră mtrŭn hŏng mnuih mâo kơhưm hlăm krĭng mnuih djuê ƀiă; Hdră duh bi liê, đru kơ ala ƀuôn hlăm krĭng mnuih djuê ƀiă, krĭng čư̆ čhiăng; pral ba mdah dŭm mta hră mơar ktrâo lač klă klơ̆ng, mđrăm mbĭt kñăm ruh mtlaih jih klei gun kpăk mâo hlăm hdră pŏk ngă dŭm mta hră mơar djŏ hdră bhiăn djŏ tuôm kơ bruă djuê ana lehanăn klei đăo./.