Hlăm wưng êgao, bruă Đảng kahan ksiêm čar Dak Lak amâo mdei mlih mrâo kơ hdră kiă kriê, gĭt gai, hluê ngă lehanăn dưi mâo êgao dŭm hnơ̆ng čuăn kčah mtrŭn. Mơ̆ng anăn, rơ̆ng kjăp hdră bruă êđăp ênang hlăm kluôm čar. Kahan ksiêm čar Dak Lak hluê ngă leh tŭ dưn Hdră bruă 06 mkŏ mkra mrô ala čar kơ ênoh mnuih, mkăp hră kak dưm chip ba wĭt boh tŭ dưn, ba akŏ hlăm bruă hluê ngă Hdră msir lăm sang dôk êjai, sang tĭ ƀrôč, 100% anôk bruă Đảng kpă ênuah, kjăp ktang.

Thiếu tướng Phan Thanh Tám, Khua bruă Đảng,Khua anôk bruăkahan ksiêm čar Dak Lak brei thâo, leh klei bi kƀĭn, kluôm êpul srăng pŏk ngă mta bruă phŭn kñăm hluê ngă tŭ dưn Hdră mtrŭn Klei bi kƀĭn kčah leh. Lŏ dơ̆ng rơ̆ng kjăp klei êđăp ênang hlăm djăp klei mâo, mkŏ mjing êpul kahan ksiêm Dak Lak kpă mngač, kjăp ktang, knhâo, knhăk, giăm mnuih ƀuôn sang, sĭt suôr hŏng mnuih ƀuôn sang lehanăn mpŭ kơ mnuih ƀuôn sang./.