Leh sa mlan, bruă sang čư̆ êa dua gưl mă bruă, čar Lâm Đồng dôk tal 4 hlăm kluôm ala mâo ênoh ư ai hlăm klei bruă sang čư̆ êa mă bruă. Siămdah, êjai mă bruă ăt dôk mâo lu bruă tuôm hŏng klei dleh dlan, gun kpăk ti ƀuôn hgŭm. Boh nik kƀah mnuih thâo hlăm bruă knuă. Kluôm čar mâo 93 boh ƀuôn hgŭm amâo mâo ôh knuă druh truăn kơ bruă kjăp hlăm kdrăp mă bruă mrâo mrang; 60 boh ƀuôn hgŭm kƀah mnuih mă bruă hlăm bruă ngăn dŏ wăl hdĭp mda; 33 boh ƀuôn hgŭm kƀah mnuih mă bruă hlăm bruă rŭ mdơ̆ng…

Mơ̆ng 1/8, Knơ̆ng bruă sang čư̆ êa čar Lâm Đồng lŏ tiŏ nao leh mnuih mă bruă đru kơ dŭm boh ƀuôn hgŭm mă bruă mbĭt hŏng sang čư̆ êa. Hlăm gưl anei mâo  260 čô mnuih mă bruă mâo tiŏ nao truh hlăm dŭm boh ƀuôn hgŭm. Mbĭt hŏng anăn, kahan ksiêm čar Lâm Đồng tiŏ nao 370 čô knuă druh kahan ksiêm, lehanăn kahan lĭng nao đru kơ ƀuôn hgŭm. Tui si tĭng, mnuih mă bruă srăng mâo tiŏ nao truh nah gŭ mă bruă hlăm 3 mlan, nao ngă dŭm bruă dôk ka djăp mnuih lehanăn lŏ ktrâo atăt, lehanăn mjuăt bi hriăm mnuih mă bruă./.