Leh bi mŭt, čar Dak Lak mâo ênhă êbeh 18.000 km2, hnơ̆ng ênoh mnuih ƀuôn sang 3.346.853 čô. Nguyễn Đình Trung, Khua hlăm bruă Đảng gưl dlông dưi jao ngă Khua dlăng bruă Đảng čar Dak Lak, Tạ Anh Tuấn ngă Khua Knơ̆ng bruă sang čư̆ êa čar Dak Lak.

Hlue si Hdră mtrŭn mkŏ mjing čar mrâo leh anăn blŭ hrăm gĭt gai ti anôk bi kƀĭn, Lê Hoài Trung,  Khua hlăm bruă Đảng gưl dlông, Khua adŭ bruă Đảng gưl dlông bi mklă: Hŏng knhuah gru bi hgŭm, jhŏng ktang leh anăn ai tiê mlih mrâo, mbruă, bruă đảng, bruă sang čư̆ êa leh anăn mnuih ƀuôn sang dŭm djuê ana čar Dak Lak hŏng klei gĭt gai êlam, klei hmao đru mơ̆ng gưl dlông drei srăng mđĭ lar ai ktang, boh tŭ mâô leh, găn jih klei dleh dlan, lông dlăng. Klă sĭt klei găl leh anăn klei mâo mơ̆ng Dak Lak mrâo srăng dưi ngă hŏng knhuang đĭ kyar ktang ba Dak Lak gĭr ktưn, mâo bruă klam atăt gai ti krĭng Lăñ dap Kngư leh anăn Ktuê hang ksĭ Dhŭng kwar krah.