Klei bi kƀĭn bruă Đảng Knơ̆ng gĭt gai Lĭng kahan răng mgang knông lăn čar Dak Lak gưl tal 1
Thứ hai, 13:58, 14/07/2025 Pô mblang H'Nêč Êñuôl / VOV Tây Nguyên Pô mblang H'Nêč Êñuôl / VOV Tây Nguyên
VOV4.Êđê- Hlăm 2 hruê 12 lehanăn 13/7, Klei bi kƀĭn bruă Đảng Knơ̆ng gĭt gai Lĭng kahan răng mgang knông lăn čar Dak Lak gưl 1 mkŏ mjing leh jăk siam.

Hlăm wưng êgao, bruă Đảng gĭt gai leh Anôk bruă bi leh êdah kdlưn dŭm bruă klam kđi čar, boh nik krơ̆ng kjăp klei dưi kiă kriê, răng mgang kjăp knông lăn hang lehanăn krĭng ksĭ. Bruă Đảng mkŏ mjing leh 10 adŭ mjuăt bi hriăm klei thâo bruă kđi čar kơ 311 čô đoàn viên êdah êdi, bi mŭt 139 čô đảng viên mrâo.

Dŭm gru hmô đru kơ ala ƀuôn msĕ si “Đru kơ adei nao sang hră”, “Anak rông kđông kahan răng mgang knông lăn”, “ATM êa doh krĭng knông lăn”… mđĭ lar boh tŭ dưn, đru kơ mnuih ƀuôn sang ti krĭng knông lăn. Êpul ăt mđĭ hdră mtô mblang kơ klei dưi kiă kriê kluôm krĭng knông lăn, jak iêu êbeh 13.000 čô mnuih nao hgŭm. Wưng thŭn 2025–2030, hlăk hluê ngă hdră bi mkŏ dăp, êpul ăt bi mklă bruă klam krơ̆ng kjăp klei êđăp ênang knông lăn, mkŏ mklra anôk bruă Đảng kjăp ktang, siă suôr hŏng mnuih ƀuôn sang, pŏk ngă tŭ dưn hdră “Mnuih ƀuôn sang tui hriăm kơ kdrăp mrô”./.

Pô mblang H'Nêč Êñuôl / VOV Tây Nguyên

Viết bình luận

TIN CÙNG CHUYÊN MỤC

Video

Bi mni kơ Awa Hô
Tiếng chuông ngân (Jingle Bells)
24/12/2024
Ru em
27/11/2024
Vi yông ‘nhă kơ ba
11/11/2024