Aguah 30/6, ti ƀuôn prŏng Hồ Chí Minh mkŏ mjing leh Knăm  hưn mdah Hdră mtrŭn mơ̆ng gưl dlông leh anăn alŭ wăl kơ klei bi mŭt  anôk bruă knŭk kna gưl čar, gưl să, mjưh ruê̆ bruă ngă anôk bruă knŭk kna gưl kdriêk, mkŏ mjing êpul bruă đảng, brei mdei gưl bruă đảng, êpul gơ̆ng bruă ƀuôn sang, Knơ̆ng bruă sang čư̆ êa, knơ̆ng bruă mặt trận čar kwar Việt Nam ƀuôn prŏng Hồ Chí Minh, să, ƀuôn hgŭm. Ƀuôn prŏng Hồ Chí Minh pŏk mlar, mâo Ƀuôn prŏng Hồ Chí Minh, čar Bình Dương leh anăn Bà Rịa – Vũng Tàu.

Hlăm klei bi kƀĭn, Khua gĭt gai Đảng Tô Lâm jao leh hdră mtrŭn mơ̆ng Phŭn bruă kđi čar jao kơ Nguyễn Văn Nên - Khua hlăm Phŭn bruă kđi čar, Khua dlăng bruă Đảng Ƀuôn prŏng Hồ Chí Minh - ngă Khua dlăng bruă Đảng Ƀuôn prŏng Hồ Chí Minh leh bi mŭt. Mbĭt anăn Phŭn bruă kđi čar jao leh 4 čô k’iăng Khua dlăng bruă Đảng ƀuôn prŏng Hồ Chí Minh. Blŭ hrăm ti anôk bi kƀĭn, Khua gĭt gai Đảng Tô Lâm bi mklă, knăm anei jing klei yuôm bhăn kơ bruă knŭk kna,  lŏ jing knhuang bi mlih yuôm bhăn, brei mâo jih jang mnuih ƀuôn sang leh anăn lăn čar hlăm hdră mkŏ mjing krĭng boh kdrŭt mđĭ kyar mơ̆ng ala čar leh anăn krĭng wăl,  čiăng năng hŏng klei čang hmăng “Việt Nam jhŏng ktang hlăm thŭn 2045”.