Leh êbeh sa hruê kăm ngă bruă leh bi mŭt, bruă msir hră mơar mơ̆ng dŭm să, ƀuôn hgŭm ti čar Lâm đồng ngă bruă klă mngač, ngă djŏ klei čiăng duh kơ mnuih ƀuôn sang. Hŏng 16 anôk bruă, knơ̆ng bruă gưl čar, jih jang 124 să, ƀuôn hgŭm, să mơ̆ng čar Lâm Đồng hrăm mbĭt msir mgaih hră mơar knŭk kna, yua kdrăp kriê dlăng hră mơar mrâo, ngă djŏ klei čiăng tŭ mă leh anăn msir hră mơar kơ mnuih ƀuôn sang.

  Hlue si Knơ̆ng bruă kriê dlăng čar Lâm Đồng, yap mơ̆ng 1/7, grăp hruê mâo êbeh 1000 hră mơar nao ba tinăn mtam amâodah online ti dŭm anôk bruă dôk guôn msir mgaih. Lâm Đồng dưi lač jing sa hlăm êpul 5 alŭ wăl ba anăp hlăm kluôm ala hlăm bruă tŭ mă, msir bi jăk kơ hră mơar hlăm dŭm hruê ngă bruă sang čư̆ êa alŭ wăl dua gưl.