Klei bi kƀĭn kñăm ksiêm dlăng hdră hluê ngă, pral ruh mtlaih klei dleh dlan, boh nik ti dŭm ktuê êlan găn alŭ wăl čar, rơ̆ng wưng hluê ngă hdră anei. Ktuê êlan anei dlông hlăm brô 125km, kah mbha 3 kdrêč, 4 grông êlan, hŏng ênoh duh đăo tĭng êbeh 43.700 êklai prăk.

Čar Gia Lai tĭng srăng mkăp 7 krĭng anôk dôk mrâo kơ 122 gŏ sang hmăi djŏ hlăm êbeh 1.000 gŏ sang bi mbĕ đuê̆. Dŭm alŭ wăl ngă leh hdră čuăl mkă, čih mkra hră mơar duh bi liê mkra dŭm krĭng anôk dôk mrâo, dôk guôn klei bi mklă srăng rŭ mdơ̆ng hlăm thŭn ti anăp. Tĭng mơ̆ng hruê 30/7, alŭ wăl srăng pơ̆ng gơ̆ng knăl, ngă tur knơ̆ng mkăp kơ bruă čiu hnô, mkŏ anôk dôk mrâo./.