Tlam mbrue 27/7, ti Điện Biên, Khua gĭt gai Đảng Tô Lâm kiă kriê leh mmông mă bruă hŏng êpul khua kiă kriê bruă Đảng čar kơ klei hlue ngă dŭm hdră êlan mơ̆ng gưl dlông hlăm bruă mkŏ mjing klei bi kƀĭn prŏng Đảng dŭm gưl lehanăn kơ bruă mkŏ mjing dŭm êpul mă bruă.

Khua gĭt gai Đảng bi mni kơ bruă klam, klei mlih mrâo, klei duh myơr mơ̆ng jih jang anôk bruă Đảng, bruă sang čư̆ êa, lehanăn lĭng kahan, phung duh mkra lehanăn mnuih ƀuôn sang lehanăn mnuih ƀuôn sang djăp djuê ana hlăm čar. Boh nik, klei đĭ kyar GRDP giăm 9%/thŭn lehanăn mâo leh êbeh 95.000 êklai prăk duh bi liê mơ̆ng yang ƀuôn. Khua gĭt gai Đảng Tô Lâm mtă hlăm wưng tinăp, čar Điện Biên mdưm bruă sang čư̆ êa dua gưl jing bruă kđi čar phŭn. Lŏ bi klă bruă dăp wĭt amâo mâo djŏ knŏng bi hrŏ bi khuăt ênoh mnuih mă bruă, ƀiădah mđing kơ klei kjăp êmăt hlăm klei mă bruă, lăm lui jih bruă dôk krah wăh, brei mâo bruă klam mdê mdê, ksiêm dlăng kjăp klei dưi./.