Anei srăng jing tur knơ̆ng hƀuê ênuk yuôm bhăn hlăm bruă mlih mrâo bruă knŭk kna. Hruê mbruê 30/6, kluôm lăn čar hrăm mbĭt ba mdah dŭm hdră mtrŭn, klei bi klă mơ̆ng gưl dlông leh anăn alŭ wăl kơ bruă bi mŭt anôk bruă knŭk kna gưl čar, ƀuôn hgŭm, mkŏ mjing êpul bruă Đảng, ruah mdưm gưl bruă Đảng nah gŭ, Êpul gơ̆ng bruă ƀuôn sang, bruă sang čư̆ êa, mặt trận čar, ƀuôn prŏng, ƀuôn hgŭm, anôk bruă knơ̆ng, čiăng kơ hruê anei dưi ngă hŏng klei bi hmô bruă sang čư̆ êa alŭ wăl 2 gưl.

Nao ksiêm dlăng boh sĭt klei bi hmô bruă sang čư̆ êa alŭ wăl 2 gưl ti ƀuôn prŏng Hồ Chí Minh, Khua gĭt gai Đảng Tô Lâm mñă ktang, mta kñăm prŏng hĭn mơ̆ng klei mă bruă mrâo kyua klei đĭ kyar pral, hơĭt kjăp mơ̆ng lăn čar, mơ̆ng ƀuôn prŏng leh anăn kriê dlăng jăk hĭn klei hdĭp mnuih ƀuôn sang. Mkŏ mjing bruă knŭk kna khuăt, ngă bruă tŭ dưn, mlih mơ̆ng klei kriê hđăp jing klei kiă kriê thâo mĭn đru kơ mnuih ƀuôn sang, knŭk kna kyua mnuih ƀuôn sang, đru kơ mnuih ƀuôn sang mkŏ mjing klei đĭ kyar leh anăn djăp ai dưi čiăng ngă dŭm hdră mtrŭn mơ̆ng Đảng hlăm klei hdĭp kyua klei đĭ kyar mbĭt mơ̆ng lăn čar.