
Hruê mbruê 30/6, ti anôk bi kƀĭn čar Gia Lai mrâo, Khua phŭn bruă hâo hưn leh anăn čung ba mnuih ƀuôn sang gưl dlông Nguyễn Trọng Nghĩa gĭt gai leh anăn ba mdah dŭm hdră mtrŭn, klei bi klă yuôm bhăn mơ̆ng gưl dlông leh anăn alŭ wăl djŏ tuôm hŏng bruă bi mŭt mbĭt anôk bruă knŭk kna čar Gia Lai leh anăn Bình Định. Blŭ gĭt gai hlăm knăm, Nguyễn Trọng Nghĩa mñă klă, bruă mkŏ dăp anôk bruă knŭk kna gưl čar amâo djŏ knŏng klei pŏk phai kơ ênhă amâodah ênoh mnuih ƀuôn sang, ƀiădah lŏ mkŏ mjing klei găl mđĭ kyar kluôm dhuôm. Čar Gia Lai mrâo srăng mâo klei găl đĭ kyar ktang hlăm dŭm mta bruă msĕ si bruă tuh tia, bruă lŏ hma kdrăp mrâo mrang, pui kmlă doh, kdrŭn ksĭ, logistic leh anăn bruă hiu čhưn ênguê.

Bruă bi mŭt mbĭt čar Gia Lai leh anăn Bình Định hŏng anăn Gia Lai amâo djŏ knŏng pŏk wăl đĭ kyar bruă duh mkra leh anăn bruă kđi čar mrâo ƀiădah lŏ pŏk klei găl čiăng kơ čar Gia Lai đĭ kyar kluôm dhuôm hĭn.
Hŏng hdră tă kơ hdră êlan leh anăn klei gĭt gai ktang phĭt, čar Gia Lai dưi hmăng hmưi srăng jing alŭ wăl bi hmô, đru mguôp hlăm klei đĭ kyar mbĭt mơ̆ng alŭ wăl leh anăn kluôm lăn čar.
Viết bình luận