Dak Lak hưn mdah 4 tur knơ̆ng mrô duh kơ bruă sang čư̆ êa dua gưl
Thứ sáu, 10:04, 11/07/2025
Pô mblang: Y -Ƀel Êban
Pô mblang: Y -Ƀel Êban
VOV4.Êđê - Tlam 10/7, Anôk bruă gĭt gai kơ klei mđĭ kyar kreh knhâo, kdrăp mrâo, mlih mrâo mbruă leh anăn mlih mrô čar Dak Lak mkŏ mjing Klei bi kƀĭn tal sa, mbĭt anăn hưn mdah, mphŭn ba yua 4 tur knơ̆ng mrô kơ bruă gĭt gai mơ̆ng gru hmô bruă sang čư̆ êa alŭ wăl dua gưl.
Klei bi kƀĭn dưi mkŏ hŏng 102 să, ƀuôn hgŭm kluôm ala. 4 tur knơ̆ng mrô mâo hưn mdah: tur knơ̆ng klei thâo anak mnuih mkra mjing (AI) kñăm đru kơ mnuih ƀuôn sang ksiêm dlăng klei hâo hưn, hră mơar leh anăn hnơ̆ng msir mgaih hră mơar knŭk kna.
Tur knơ̆ng hdră bruă online; đru kơ mnuih ƀuôn sang thâo leh anăn ngă hră mơar pral găl ênưih; Dashboard gĭt gai bi klin kñăm đru ksiêm dlăng leh anăn đru gĭt gai bruă klam mơ̆ng gưl čar truh gưl să; bruă tŭ mă, msir mgaih klei blŭ êpul êya čiăng mbha mta, truh kơ klei mnuih ƀuôn sang lač, čiăng hmao msir mgaih.
Viết bình luận