Khua knŭk kna Phạm Minh Chính kiă kriê klei bi kƀĭn êpul gĭt gai ala čar kơ bruă ñŭ kma hŏng ala tač êngao
Thứ tư, 13:18, 27/08/2025
VOV TAYNGUYEN
VOV TAYNGUYEN
VOV.Êđê- Mlam mmăt mbrue 26/8, ti anôk bruă knŭk kna, Khua knŭk kna Phạm Minh Chính kiă kriê klei bi kƀĭn êpul bruă gĭt gai ala čar kơ bruă ñŭ kma hŏng ala tač êngao.
Khua knŭk kna mñă, klei ñŭ kma hŏng ala tač êngao jing leh bruă yuôm bhăn kñăm mđĭ klei dưi hlăm ala čar, pioh kơ bruă mđĭ kyar lăn čar. Ênoh bi mnia mblei hŏng ala tač êngao hlăm 7 mlan akŏ thŭn mâo leh êbeh 514 êklai USD; prăk mơ̆ng ala tač êngao duh bi liê (FDI) mâo truh 24 êklai USD, mđĭ leh Việt Nam dôk hlăm êpul 15 ala čar hlăk đĭ kyar, mâo iêo jak FDI lu hĭn dlông rŏng lăn.
Klei ñŭ kma klă sĭt lŏ bi kjăp ala čar, bi kjăp klei ƀuăn hŏng ala tač êngao, mđĭ kơhưm lehanăn klei blŭ mơ̆ng Việt Nam hŏng ala tač êngao. Khua knŭk kna mtă, mkŏ mjing hdră mtrŭn mơ̆ng bruă kƀĭn ala kơ klei bhiăn, kơ hdră êlan, mjing klei đĭ pral hlăm bruă ñu kma hŏng ala tač êngao, klă sĭt jing boh kdrŭt kơ klei mđĭ kyar./.
Viết bình luận