Hluê si klei hưn, angĭn êbŭ ngă 3 čô djiê, 10 čô êka, êbeh 6.800 boh sang kpŏk čuôr, jhat rai; hjan prŏng ngă êngăp 28.814 ha mdiê lehanăn 2.221 ha djam mtam. Kơiăng khua knŭk kna čih yap klei gĭr mâo hdră mdrơ̆ng pral mơ̆ng Nghệ An, Thanh Hóa, Hà Tĩnh, mbĭt anăn mtă kơ Thanh Hóa, Hà Tĩnh, Quảng Trị, Thừa Thiên Huế tĭng dlăng wĭt hdră gang mkhư̆, boh nik kdrăp guê gang êa čiăng dưi mdrơ̆ng tŭ dưn anăp klei yan adiê ngă.

Kơ hdră msir mghaih, Kơiăng khua knŭk kna mtă brei ba nao wăt êpul lĭng kahan, kahan ksiêm nao đru mnuih ƀuôn sang, mđing kơ sang  hră, sang êa drao gŭn, gŏ sang ƀun, gŏ sang knŭk kna dlăng ba. Ñu mñă brei pral lŏ krŭ wĭt hdră mtô bi hriăm, dlăng kriê klei suaih pral, bi hơĭt klei hdĭp mnuih ƀuôn sang leh klei angĭn êbŭ ngă./.