Leh bi mŭt mbĭt, bruă sang hră mơar čar mâo êbeh 1.370 boh sang hră, kơ êbeh 700.000 čô hđeh hriăm hră hŏng êbeh 38.400 čô knuă druh, nai mtô. Thŭn hriăm leh êgao, čar mâo leh lu boh tŭ dưn hing ang: 99,9% phung hđeh 6 thŭn mâo mŭt adŭ 1; 99,7% hđeh hriăm hră jih gưl 1, jih gưl 3 djăp 98,46%.

Čhuang hlăm thŭn hriăm mrâo, bruă sang hră mơar prê leh 10 mta bruă čuăn, mđĭ kjăp hnơ̆ng nai mtô, mlih mrâo hdră mtô, hdruôm hră hriăm, mđĭ hĭn bruă mtô bi hriăm bruă kđi čar, klei mĭn, knhuah dôk dơ̆ng ƀơ̆ng huă, klei thâo kơ kdrăp mrô, bi kjăp klei mjuăt bi hriăm, iêo jak yang ƀuôn mđrăm mbĭt hlăm bruă mjuăt bi hriăm, bi lar klei bi ktưn, mkŏ mjing anôk mjuăt bi hriăm hŏng klei knhăk, mâo klei bhiăn kjăp./.