Hluê si hdră kčah, čar srăng mphŭn rŭ mdơ̆ng Hdră sang êa drao prŏng Nha Trang, rŭ mdơ̆ng sang dôk kơ yang ƀuôn HACOM Ocean City 1, ba yua ktuê êlan êran pral mkŏ Dưr – Dhŭng hŏng êlan dơ̆ng prŏng mrô 1, Kdrŭn ksĭ Cà Ná lehanăn ênao mgơ̆ng êa krông Than.

Anei jing dŭm hdră phŭn, yuôm bhăn hŏng bruă mđĭ kyar anôk bruă nah gŭ, jak iêu klei duh bi liê, pŏk mlar hdră logistics lehanăn msir mghaih klei kƀah êa hlăm yan bhang. Anôk bruă sang čư̆ êa čar jao kơ Knơ̆ng bruă rŭ mdơ̆ng gĭt gai, bi hgŭm hŏng dŭm knơ̆ng, dhar bruă, alŭ wăl ngă leh hră mơar, rơ̆ng hdră anei dưi mkŏ mjing tŭ dưn. Dŭm hdră anei amâo djŏ knŏng mâo boh tŭ yuôm kkuh mơak hdră kđi čar yuôm bhăn, ƀiădah lŏ mjing tur knơ̆ng čiăng kơ Khánh Hòa mđĭ kyar pral lehanăn hơĭt kjăp hlăm wưng ti anăp./.