Klei bi kƀĭn mkŏ mjing ti mmông anăn mtam hŏng anôk mkŏ phŭn jing ƀuôn hgŭm Tuy Hòa leh anăn mkŏ online hŏng dŭm anôk mkŏ hlăm dŭm să, ƀuôn hgŭm: Đông Hoà, Sông Cầu, Tuy An Bắc, Phú Hoà 1, Tây Hoà, Sơn Hoà, Sông Hinh leh anăn Đồng Xuân. Hlăm klei bi kƀĭn, phung bi ala Bruă kƀĭn ala hâo hưn leh kơ boh tŭ Klei bi kƀĭn tal 9 mrâo êgao.

Klei bi kƀĭn bi mklă lu hdră êlan mđĭ kyar bruă duh mkra êngao knŭk kna, mlih mrô, kreh knhâo kdrăp mrâo, sang hră, mdrao mgŭn, klei hdĭp mda ala ƀuôn, mđing đru kơ krĭng mnuih djuê ƀiă, krĭng čư̆ čhiăng, knông lăn- hlăm anăn mâo lu boh phŭn djŏ tuôm kơ Dak Lak. Phung bi ala kơ mnuih ƀuôn sang čih yap ai tiê đua klam mơ̆ng bruă kƀĭn ala, mbĭt anăn bi êdah klei čang hmăng Dak Lak hnưm mâo hdră tă mđĭ kyar mrâo leh bi mŭt, mđĭ lar knhuah dhar kreh Lăn Dap Kngư, bi mguôp hŏng dŭm krĭng ktuê gang ksĭ kwar Krah, čiăng mkŏ mjing čar ƀrư̆ hruê ƀrư̆ jăk siam, klei hdĭp mnuih ƀuôn sang ƀrư̆ jăk hĭn.