Khua knŭk kna bi mklă, anei jing gưl mpŭ kơ klei đru mguôp yuôm bhăn mơ̆ng knuă druh mniê hlăm bruă hŏng tač êngao, mbĭt anăn lŏ dơ̆ng bi mklă klei ƀuăn rơ̆ng ktang mơ̆ng Việt Nam hlăm bruă mđĭ klei mtăp mđơr êkei mniê leh anăn mđĭ klei bi hgŭm mơ̆ng phung mniê hlăm bruă mkŏ mjing sa dlông rŏng lăn êđăp ênang, bi hgŭm leh anăn đĭ kyar kjăp.

Hlăm klei bi blah leh anăn mkŏ mjing, răng mgang lăn čar mâo klei săn asei, thâo gĭr, đru mguôp, duh myơr yuôm bhăn mơ̆ng phung mniê Việt Nam, phung ngă bruă hŏng tač êngao mniê mjing klei găl kơ phung mniê ngă bruă hŏng tač êngao ngă jăk bruă klam pô, mjing  klei jăk siam hŏng ƀĭng găp lu ala čar kơ ai tiê phung mniê ngă bruă hŏng tač êngao, mbĭt anăn grăp čô ngă bruă hŏng tač êngao brei bi êdah klei thâo, klei jhŏng čiăng hrăm mbĭt đru kơ tar rŏng lăn hlăm klei êđăp ênang, bi hgŭm leh anăn mđĭ kyar hơĭt kjăp.