Čar Lâm Đồng ară anei mâo 7 êpul bruă duh mkra – ala ƀuôn mâo lehanăn êgao hnơ̆ng kčah, hlăm anăn hrui wĭt ngăn prăk knŭk kna êbeh 32.000 êklai prăk, êgao hdră kčah mtrŭn. Kơiăng khua knŭk kna tĭng dlăng, bi mni klei gĭr mơ̆ng alŭ wăl hlăm bruă đru dŏng mnuih ƀuôn sang ti krĭng hmăi mơ̆ng klei yan adiê ngă, mbĭt anăn mtă kơ čar lŏ dơ̆ng mđĭ lar klei găl mâo, rơ̆ng bi leh dŭm mta kñăm mđĭ kyar.

Bruă phŭn jing krơ̆ng kjăp “hnơ̆ng đĭ kyar” hlăm bruă ba čhĭ mnơ̆ng lŏ hma, mtrŭt mđĭ pral bruă hluê ngă dŭm hdră phŭn, boh nik dŭm ktuê êlan êran pral, kñăm mtrŭt mđĭ hdră mkăp ngăn prăk knŭk kna. Ƀri gưl anei, Kơiăng khua knŭk kna nao leh ti Knăm mdơ̆ng sang mrâo kơ 4 gŏ sang dlưh jih pưk sang ti să Dran lehanăn mđup brei mnơ̆ng kơ dŭm gŏ sang luič liê kjham kyua êdiê hjan êa lip lêč ngă./.