Khua knŭk kna mtă kơ dŭm phŭn dhar bruă, alŭ wăl mđĭ hĭn ai tiê mâo klei khăp mơ̆ng lam, gĭr đru bi leh bruă rŭ mdơ̆ng sang dôk kơ mnuih ƀuôn sang leh klei êa lip lêč, bi leh êlâo kơ hruê 31/1/2026. Blŭ klah čŭn, Khua knŭk kna bi mni kơ dŭm klei gĭr mơ̆ng dŭm gưl dhar bruă hlăm mlan 11 akŏ thŭn anei, bi klă boh tŭ dưn anei.

Lehanăn knŭk kna mâo klei mđĭ ai dŭm alŭ wăl găn klei êa lip lêč, brei mâo nanao ai tiê klei thâo bi đru mơ̆ng jih yang ƀuôn, lehanăn mtrŭt mjhar “Hdră êlan Quang Trung” iêo jak jih jang bi đru hlăm bruă mghaih msir boh mơ̆ng klei êa lip, čiăng kơ jih jang mnuih ƀuôn sang mâo sang dôk, drông Tết Nguyên đán Bính Ngọ 2026 êđăp ênang h’uh mđao./.