Nao mbĭt mâo phung khua kiă kriê čar Khánh Hòa lehanăn dŭm êpul êya, anôk bruă. Ti alŭ Xuân Phong, ƀuôn hgŭm Dưr Nha Trang, êpul jao leh 350 hnư mnơ̆ng, grăp hnư mâo 500 êbâo prăk, ao mđao, kpur pui điện tử, dhiăr pưh điện tử mâo ênoh êbeh 500 êklăk prăk.

Mbĭt anăn, VOV Lăn dap kngư iêu mtrŭt leh anôk bruă duh mkra ti čar Khánh Hòa lehanăn ƀuôn prŏng Hồ Chí Minh đru thiăm 175 êklăk prăk mbĭt hŏng ai mđao mâo ênoh 100 êklăk prăk kơ dŭm gŏ sang êngăp êa. Êlâo anăn, êpul mă bruă mơ̆ng VOV ăt mkŏ mjing lu hdră đru kơ mnuih ƀuôn sang ti krĭng êa lip čar Gia Lai./.