Hlăm mmông tŭ drông, Khua bruă kƀĭn ala Trần Thanh Mẫn mña brei mtrŭt mđĭ klei bi trông êpul, bi trông gưl dlông leh anăn dŭm gưl, mđĭ hĭn klei bi mguôp, mjĕ mjuk, kah mbha klei hriăm plah wah dua anôk bruă hdră bhiăn dua lăn čar, boh nik jing plah wah dŭm anôk bruă mơ̆ng Bruă Kƀĭn Ala, dŭm êpul bi hgŭm, phung khua êmua mniê leh anăn phung khua êmua mda asei, amâo djŏ knŏng hlăm boh klei hdră bhiăn, klei kiă kriê, biădah wăt kơ dŭm boh klei mâo knhuah tar rŏng lăn msĕ si mlih mrô, đĭ kyar ktah, bi mdrơ̆ng hŏng klei bi mlih yan adiê.

Dua tĭng bi tŭ ư mđĭ hĭn klei bi mguôp, bi kjăp bruă klam knơ̆ng mơ̆ng ASEAN, boh nik hlăm dŭm boh klei hlăm alŭ wăl, bi sa ai hŏng hdơ̆ng pô hlăm dŭm klei kƀĭn alŭ wăl leh anăn tar rŏng lăn, boh nik jing ASEAN, Êpul hgŭm lu ala čar, hdră dôk êngiê, dŭm klei kƀĭn Bruă Kƀĭn Ala msĕ si klei kƀĭn Êpul gơ̆ng Bruă Kƀĭn Ala dŭm ala čar ASEAN (AIPA), klei kƀĭn Bruă Kƀĭn Ala Asi – Pacific (APPF).