Klei bi kƀĭn ksiêm dlăng, bi mklă lu boh phŭn mjêč msĕ si: mkra mlih hdră kčah bi liê knŭk kna, mbŏ hdră mĭn tĭng bi liê nanao kơ dŭm hdră kñăm ala čar, mâo hdră êlan đru kơ phung knuă druh mă bruă ti anôk bruă ngă hră mơar mrâo leh anăn mkŏ mjing hdră kčah đĭ kyar 6 mlan knhal jih thŭn 2025.

Cao Thị Hòa An – K’iăng Khua Anôk bruă Đảng čar, Khua Êpul gơ̆ng bruă ƀuôn sang čar Dak Lak bi mklă, leh pŏk ngă gru hmô bruă sang čư̆ êa dua gưl mơ̆ng 1/7, êpul mă bruă klă klơ̆ng hơĭt leh. Khua Êpul gơ̆ng bruă ƀuôn sang čar mtă kơ phung bi ala mđĭ bruă klam, bi trông klă mngač, mguôp klei blŭ čiăng mâo hdră mtrŭn djŏ hŏng boh sĭt, đru mđĭ kyar hơĭt kjăp leh anăn mđĭ klei đăo knang mơ̆ng yang ƀuôn.