Ti anôk bi blŭ hrăm, Khua lăn čar Lương Cường mñă klei bi hgŭm Việt Nam - Angola jing klei bi mguôp yuôm bhăn, jing atur kjăp kơ dua ala čar, lŏ mtrŭn agha êlam hĭn hlăm klei bi đăo knang bruă kđi čar, bi đru hdơ̆ng găp plah wah dua Đảng, dua knŭk kna, klei bi mguôp siă suôr mâo klei thâo săng plah wah dua djuê ana.

Khua lăn čar Lương Cường čang hmăng lŏ hgŭm lu hĭn hlăm bruă răng mgang klei êđăp ênang, mâo klei hgŭm hlăm bruă hâo hưn, hgŭm hlăm bruă mdrao mgŭn, bruă sang hră mơar, bruă lŏ hma. Dua čô khua kiă kriê bi tŭ ư lŏ hyuă kjăp hĭn klei thâo bi mguôp, mâo klei thâo bi jưh knang plah wah dua Đảng, dua knŭk kna hlăm hdră bi čuă êrô jêñ jêñ, hlue ngă dŭm klei bhiăn hgŭm knŭk kna, mjuăt bi hriăm mnuih mă bruă, knuă druh kiă kriê, bi mjĕ êrô phung hriăm gưl prŏng./.