Jing anôk bruă knŭk kna – bruă duh mkra – bruă hiu čhưn ênguê mơ̆ng kluôm krĭng Ngŏ Dak Lak, Tuy Hòa amâo djŏ knŏng ba klei hmăng hmưi kơ sa wăl krah thâo bi bi hmô, ƀiădah lŏ jing anôk lông dlăng ai dưi mơ̆ng êpul bruă, kiă kriê leh anăn bi mkŏ hlăm wưng bruă sang čư̆ êa dua gưl ngă bruă hrăm mbĭt.

Klei kƀĭn kluôm phung bi ala gưl tal 1, wưng thŭn 2025 – 2030 bi klă srăng mkŏ mjing alŭ wăl jing wăl krah hiu čhưn ênguê thâo mĭn gru hmô, anôk bruă gĭt gai bruă knŭk kna – klei bi mlih mrô nah Ngŏ Dak Lak, hnư hrui wĭt kah knar  mâo 145 êklăk prăk sa čô hlăm thŭn 2030. Klei kƀĭn kluôm ăt bi êdah 12 êpul bruă klam leh anăn hdră êlan phŭn. Blŭ gĭt gai hlăm klei kƀĭn kluôm, aduôn Cao Thị Hòa An, k’iăng khua bruă Đảng čar mñă kơ ƀuôn hgŭm Tuy Hoà srăng nao êlâo hlăm klei bi hmô bruă sang čư̆ êa dua gưl leh anăn klei mĭn mđĭ kyar wăl krah thâo mĭn