Khua knŭk kna Phạm Minh Chính lač klă, mđĭ kyar bruă duh mkra êngao knŭk kna jing bruă klam yuôm bhăn mŏng hdră duh mkra ala čar. Khua knŭk kna lač klă, klei bi kƀĭn anei čiăng hmư̆ Anôk bruă IV hlak mblang kơ dŭm bruă čiăng ba mdah bruă klam, hdră msir hluê ngă Hdră mtrŭn 68 tŭ jing, êlâo hĭn brei ruh mtlaih jih klei gun kpăk kơ klei bhiăn, hdră mtrŭn; kyua klei bhiăn jing mta phŭn, jing boh kdrŭt kơ klei đĭ kyar. Khua knŭk kna đăo knang dŭm klei bi mlih mŏng Hdră mtrŭn mrô 68 mâo ba mdah, srăng mjing klei bi mlih hlăm klei thâo săng, ai tiê, boh kdrŭt kơ hdră đĭ kyar.

Čang hmăng dưi bi mlih 5 êklăk gŏ sang ngă bruă duh mkra jing anôk bruă duh mkra, anôk bruă duh mkra điêt jing anôk bruă duh mkra prŏng, anôk bruă duh mkra prŏng lŏ jing anôk bruă prŏng hĭn, anôk bruă prŏng hĭn jing anôk bruă mâo kơhưm tar rŏng lăn, nao hgŭm mđĭ boh tŭ yuôm tả rŏng lăn. Mbĭt anăn mñă, bruă yuôm bhăn jing iêu mtrŭt djăp klei găl mâo mŏng mnuih ƀuôn sang, anôk bruă duh mkra kyua boh kdrŭt đĭ kyar kbiă hriê mơ̆ng klei thâo săng lehanăn hnơ̆ng trah dlăng, kbiă hriê mơ̆ng klei bi mlih mrâo, ai ktang kbiă hriê mơ̆ng mnuih ƀuôn sang lehanăn anôk bruă duh mkra./.