Čiăng dưi mâo mta kñăm anei, dŭm phŭn dhar bruă srăng ngă mtam đa đa hdră êlan msĕ si: brei čan 100% hdră kčah ngăn prăk duh bi liê bruă knŭk kna wưng man dưn dưi jao leh, lŏ dơ̆ng hluê ngă hdră mtrrŭn mrô 68 mơ̆ng Phŭn bruă kđi čar kơ mđĭ kyar bruă duh mkra êngao knŭk kna, gĭt gai hdră êlan ngăn prăk čŏng pô, mbruă, djŏ wưng kčah, tŭ dưn, ruah mgaih klei kpăk kơ dŭm hdră, gĭt truh jih thŭn 2025 bi leh êbeh 100.000 sang dôk yang ƀuôn, 3000 km êlan dơ̆ng pral, leh anăn bi êdah mkra mlih dŭm hdră bhiăn, hlăm anăn mâo hdră bhiăn lăn ala…

Bi klă hlăm klei kƀĭn trông, Khua knŭk kna lač klă 16 bruă klam, hdră êlan phŭn. Khua knŭk kna mñă kơ bruă kđi čar nao sang hgŭm hŏng klei gĭr ktưn, ngă bruă ktang phĭt, tŭ dưn, ya bruă ngă bi leh bruă anăn. Knơ̆ng prăk knŭk kna gĭt gai bi hơĭt ênoh ênil, gĭr bi hrŏ prăk mnga, đru kơ bruă mkra mjing, mnia mblei leh anăn hdră duh ƀơ̆ng kơ mnuih ƀuôn sang. Dŭm alŭ wăl bi lar hĭn ai tiê čŏng pô, mbruă, kñăm lăm lui sang dôk êjai, sang ti ƀrôč hlăm kluôm ala êlâo kơ hruê 31/8…