Tlam (18/08) ti Hà Nội, Phŭn bruă kahan ksiêm mkŏ mjing leh Knăm ba yua anôk bruă mrô ala čar mrô 1 lehanăn hưn mthâo klă klơ̆ng hdră ba yua Anôk bruă mrô mơ̆ng Knơ̆ng bruă mrô Ala čar. Anei dưi dlăng jing tur knơ̆ng kjăp mkăp dŭm bruă djŏ tuôm kơ hdră mrô, đru kơ hdră čuăl mkă, mĭn mjing mđĭ kyar, mkŏ mjing bruă knŭk kna mrô, yang ƀuôn mrô lehanăn hdră duh mkra mrô, rơ̆ng hdră răng mgang klei êđăp ênang.

 Leh ba yua klă klơ̆ng, anôk bruă mrô ala čar dưi pŏk ngă kjăp srăng đru bi ênưih klei ngă hră mơar, bi hrŏ hră mơar ba ti anôk bruă. Nao lehanăn blŭ hrăm ti knăm anei, Khua knŭk kna Phạm Minh Chính mñă: Anôk bruă mrô ala čar brei jing “Kboh mơ̆ng hdră bi mlih mrô ala čar”, brei ba anăp hlăm hdră bi mguôp, kah mbha mrô lehanăn mjing sa anôk bruă êđăp ênang. Khua knŭk kna mtă kơ Anôk bruă mrô ala čar mrô 1 brei mđing kơ mta kñăm mđĭ kyar sa anôk bruă ngă bruă tŭ dưn hŏng dŭm anôk bruă mrô mkăn lehanăn ñŭ kma hŏng anôk bruă mrô tar rŏng lăn, êlâo hĭn jing hŏng krĭng ASEAN./.