Ară anei, phung mâo klei hmăi hlăm hla pŏk ala ƀuôn, phung mă bruă mĭn mjing mrâo kơ mta phŭn, phung kriê dlăng dŭm êpul hlăm hla pŏk ala ƀuôn… ti čar Lâm Đồng, dôk ngă bruă hlăm lu hdră msĕ si hiu čhưn ênguê, mnơ̆ng ƀơ̆ng huă, dhar kreh, čhĭ mnơ̆ng lŏ hma… hŏng ênoh tui ksiêm dŭm pluh êklăk gưl. Anei jing mnuih mâo bruă klam ktrâo atăt, bi lar klei hâo hưn hlăm kdrăp mrô, mjing klei hmăi truh kơ hdră răng mgang klei êđăp ênang hlăm êlan mạng ti alŭ wăl. Klei bi kƀĭn lui lu mmông mtô mblang hdră bhiăn răng mgang klei êđăp ênang êlan mạng, răng mgang klei hâo hưn mdê bi pô, mbĭt anăn bi hgŭm mđĭ lar bruă klam mơ̆ng mnuih mâo kơhưm anei hlăm bruă bi lar klei hâo hưn jăk.

Đru kơ mnuih mă bruă kriê dlăng hla pŏk web anei dŭm klei thâo săng kơ hdră bhiăn, rơ̆ng hdră kriê dlăng mta phŭn klei hâo hưn djŏ hdră bhiăn. Ƀri gưl anei, Anôk bruă kahan ksiêm Lâm Đồng hưn mthâo leh gru hmô “Wăl anôk mrô mâo mrang, êđăp ênang”,jing klei bi kƀĭn trông bi hgŭm mnuih mă bruă kriê dlăng hla pŏk web hŏng êpul kahan ksiêm, dŭm anôk bruă kriê dlăng knŭk kna lehanăn anôk bruă duh mkra, mđing truih kơ klei đĭ kyar mơ̆ng čar Lâm Đồng hlăm ênuk gưl mrô./.