Klei bi kƀĭn mâo êbeh 200 čô bi ala mơ̆ng ala tač êngao leh anăn Việt Nam, mâo khua gĭt gai dŭm êpul grup, anôk bruă duh mkra prŏng mơ̆ng 21 ala čar APEC. Klei bi kƀĭn bi trông kơ akŏ hdră bruă msĕ si: mnia blei - bi liê, duh mkra mrô, mlih mrô mtah, ngăn prăk hơĭt kjăp, hdră mkăp, klei thâo anak mnuih mkra mjing, bruă mdrao mgŭn thâo mĭn…

Blŭ hrăm hlăm anôk bi kƀĭn, Khua lăn čar bi mni kơ akŏ bi trông mơ̆ng klei bi kƀĭn tal anei, lač anei jing klei mđing prŏng hlăm hdră mđĭ kyar mơ̆ng Việt Nam truh thŭn 2030, hnơ̆ng trah dlăng 2045. Khua lăn čar mñă klă Việt Nam dôk mđĭ ktang hdră mkra mlih klei bhiăn, hdră bhiăn leh anăn mkŏ mjing wăl  bi liê klă mngač, kjăp, mjing klei găl kơ anôk bruă duh mkra leh anăn ala tač êngao.