Tlam mbrue 29/7 (hlue si mmông alŭ wăl), ti anôk bruă êpul hgŭm lu ala čar ti Switz, ƀri nao ti anôk bi kƀĭn Phung khua kiă kriê bruă kƀĭn ala tar rŏng lăn tal 6, Khua bruă kƀĭn ala Trần Thanh Mẫn mâo leh klei bi tuôm hŏng khua knơ̆ng kiă kriê adŭ bruă êpul hgŭm lu ala čar ti Geneva Tatiana Valovaya. Ti anôk bi tuôm, Khua bruă kƀĭn ala  Trần Thanh Mẫn bi mklă Việt Nam mâo nanao klei sa ai hŏng hdră êlan lu tĭng, lehanăn srăng lŏ dơ̆ng bi mguôp jih ai tiê hlăm bruă hgŭm hŏng Êpul hgŭm lu ala čar.

Việt Nam hlăk mprăp mgơ̆ng mŭt hlăm êpul gơ̆ng bruă klei dưi êngiê anak mnuih wưng thŭn 2026-2028, tơdah djŏ ruah Việt Nam srăng ngă lu bruă klam mbĭt hŏng êpul hgŭm anei, êjai tar rŏng lăn dôk mâo lu klei bi mlih, lehanăn klei lông dlăng msĕ si ară anei.  Khua knơ̆ng kiă kriê Tatiana Valovaya lač jăk kơ Việt Nam mâo leh klei sa ai prŏng hŏng jih jang bruă hlăm êpul hgŭm lu ala čar, hlăm anăn ba akŏ mơ̆ng bruă bi mdah 17 čô phung mniê jing kdlưn hĭn hlăm bruă mđĭ kyar kjăp. Ñu bi myuôm bruă klam mơ̆ng êpul Việt Nam hlăm êpul hgŭm lu ala čar, Dua nah bi tŭ ư lŏ dơ̆ng mđĭ hĭn klei hgŭm bruă Việt Nam – Êpul hgŭm lu ala čar hlăm wưng tinăp./.