Đỗ Văn Chiến lač jăk kơ klei sang hră đru leh kơ 39 čô phung hriăm mơ̆ng Việt Nam hlăk dôk hriăm tinei, lehanăn čang hmăng kơ sang hră lŏ tŭ jum lu hĭn phung hriăm mơ̆ng Việt Nam lehanăn mâo lu hĭn klei đru prăk hriăm hŏng phung hriăm, phung ksiêm duah mơ̆ng Việt Nam. Ñu mñă phung hriăm mơ̆ng  Việt Nam lehanăn mnuih Việt Nam mâo djăp klei găl dưi tui hriăm ti sang hră anei, wăt hlăm prăk bi liê lehanăn hlăm klei bi lông mŭt.

Sang hră mâo leh klei kuôl kă hgŭm hŏng dŭm anôk bruă mjuăt bi hriăm mâo kơhưm ti Việt Nam, hlăm anăn mâo sang hră gưl prŏng Bách khoa. Leh ruă mă bruă hŏng êpul khua kiă kriê sang hră, Đỗ Văn Chiến mbĭt hŏng êpul khua êmua Việt Nam mâo leh mmông bi tuôm, lehanăn mđup brei mnơ̆ng kơ phung hriăm mnuih Việt Nam dôk hriăm ti sang hră anei./.