Leh sa mlan mă bruă mơ̆ng bruă sang čư̆ êa dua gưl; 135 boh ƀuôn hgŭm čar Gia Lai dưi hơĭt leh klei mkŏ mjing, lu ênoh čuăn bruă duh mkra mâo ba wĭt boh tŭ dưn jăk. Mơ̆ng anăn, čar čoh čuăn ênoh mđĭ kyar hlăm 6 mlan knhal jih thŭn jing êbeh 7%. Čiăng dưi bi sĭt ênoh čuăn kčah anăn, čar jao leh 77 boh ƀuôn hgŭm krĭng nah yŭ, dôk hlăm čar Gia Lai hđăp dŭm ênoh čuăn klă mngač kñăm bi leh 23 bruă čuăn.

Knơ̆ng bruă sang čư̆ êa čar Gia Laimtă leh kơ dŭm alŭ wăl pral mkra hdră duh mkra ala ƀuôn 6 mlan knhal jih thŭn. Mbĭt hŏng anăn, lŏ dơ̆ng bi kjăp bruă sang čư̆ êa dơ̆ng mơ̆ng klei kiă kriê, klei mă bruă, jĕ giăm hŏng mnuih ƀuôn sang hĭn, lehanăn mghaih msir jih jang bruă bi jăk kơ mnuih ƀuôn sang. Čar lŏ dơ̆ng mprăp kdrăp mă bruă, lehanăn dăp mnuih bi djŏ guôp hlăm dŭm anôk mă bruă ngă hră mơar kơ mnuih ƀuôn sang. Hlăm djăp mta bruă mjêč, čar srăng mkŏ mjing dŭm êpul mă bruă trŭn nao kơ nah gŭ đru ruh mgaih klei dleh dlan./.