Khua knŭk kna bi mni kơ bruă Êpul grŭp Dunamu dôk ksiêm dlăng hdră duh bi liê lehanăn mđĭ kyar ti Việt Nam, boh nik hlăm bruă ngăn drăp mrô, mbĭt anăn bi mni klei đru mguôp mơ̆ng Êpul grŭp Hana hlăm hdră mđĭ kyar bruă duh mkra Việt Nam hŏng bruă klam jing ƀĭng hgŭm yuôm bhăn mơ̆ng MB.

Mtrŭt mđĭ dŭm êpul grŭp pŏk mlar hdră duh bi liêti Việt Nam, Khua knŭk kna brei thâo, MB jing knơ̆ng prăk mâo kơhưm ti Việt Nam lehanăn akâo kơ MB mbĭt hŏng 2 êpul grŭp bi hgŭm kjăp, tŭ dưn, đru mtrŭt mđĭ klei bi mjĕ Ƀĭng hgŭm phŭn kluôm dhuôm Việt Nam – Dhŭng Korea. Khua knŭk kna jao kơ Phŭn bruă Ngăn prăk hŏng bruă klam jing anôk mkŏ mjing bruă čih mkra Hdră mtrŭn lông ba yua wăl anôk ngăn drăp mrô ti Việt Nam, lŏ dơ̆ng bi hgŭm hŏng Knơ̆ng prăk Knŭk kna Việt Nam, dŭm Phŭn, dhar bruă djŏ tuôm, đru kơ dŭm êpul grŭp tui ksiêm kơ hdră duh bi liê ti Việt Nam./.