Ti knăm anei, dŭm anôk bruă duh mkra hưn mdah leh 66 klei akâo čiăng djŏtuôm kơ bruă: Ngăn prăk, knơ̆ng prăk, lăn ala, jia, duh bi liê, logistic lehanăn klei ngă hră mơar. Dŭm klei ba mdah êdeh êdi msĕ si brei can hŏng ênoh prăk mnga hdjul hŏng anôk bruă duh mkra mjing mnơ̆ng lŏ hma doh, brei čan hluê hdră ba mgrơ̆ng ngăn drăp; lui amâo dah bi hrŏ ênoh jia kơ kphê, đru mđĭ kyar krĭng pla mjing, bi hơĭt lehanăn mtrŭt mđĭ hdră mkra mjing…

Khua anôk bruă sang čư̆ êa čar Gia Lai Phạm Anh Tuấn ƀuăn srăng ksiêm dlăng, msir mghaih klei akâo čiăng mơ̆ng anôk bruă duh mkra, ƀuăn pŏk mlar hdră mtrŭn mkra mđĭ wăl anôk duh bi liê, mlih mrâo, mlih mrô, đru kơ anôk bruă duh mkra điêt lehanăn man dưn. Êngao anăn, Gia Lai mđing mkăp prăk duh kơ bruă mtrŭt mđĭ hdră kreh knhâo, mđĭ bruă mnia mblei, msir mghaih klei gun kpăk hlăm bruă nah gŭ, mđĭ kyar wăl tuh tia mkra mjing, rơ̆ng bruă mkăp pui kmlă hơĭt kjăp, mđĭ hdră mjuăt bi hriăm mnuih mă bruă mguôp hŏng boh sĭt bruă pla mjing, mđĭ hdră bi hgŭm anôk bruă duh mkra – sang hră./.