Anei jing klei kƀĭn tal êlâo leh bi mŭt mbĭt 3 čar Đắk Nông, Bình Thuận, Lâm Đồng jing čar Lâm Đồng mrâo. Klei hưn hlăm klei kƀĭn brei ƀuh, 6 mlan akŏ thŭn, čar Lâm Đồng dưi mâo lu boh tŭ dưn: GRDP đĭ giăm 6%, bruă mkăn đĭ 7,9%, hnư hrui wĭt mâo êbeh 16.800 êklai prăk, đĭ 19%, mnia mblei êbeh 1,5 êklai USD.

Čar dưi ngă dua bruă mkŏ mkra hdră êlan mkŏ êlan dơ̆ng pral Dưr – Dhŭng leh anăn êlan ktuê hang ksĭ Phan Thiết, mbĭt anăn bi leh bruă lăm lui sang dôk êjai, sang tĭ ƀrôč. Blŭ hrăm hlăm klei kƀĭn, khua Êpul gơ̆ng bruă ƀuôn sang čar Trần Hồng Thái bi êdah klei dleh dlan čiăng mgaih msir hlăm wưng kơ anăp msĕ si: klei đĭ kyar ka năng hŏng klei găl, brei čan duh bi liê bruă knŭk kna knŏng ƀiă. Klei kƀĭn bi trông, bi klă lu boh klei yuôm bhăn kơ ngăn prăk, hdră êlan đru leh mkŏ dăp anôk bruă knŭk kna leh anăn hdră êlan mđĭ kyar bruă duh mkra ala ƀuôn.