Hdră krŭ kgŭ kdơ̆ng mlan 8 lehanăn Hruê mkŏ mjing ala čar 2/9 – Boh tŭ yuôm hƀuê ênuk lehanăn ai hdĭp kwang lă lar
Thứ sáu, 10:51, 15/08/2025
Pô mblang: H’Nêč Êñuôl
Pô mblang: H’Nêč Êñuôl
VOV.Êđê - Tlam (14/8), ti Hà Nội, Knơ̆ng ksiêm hriăm kơ bruă kreh knhâo ala ƀuôn Việt Nam gĭt gai, mbĭt hŏng Anôk bruă kriê dlăng klei hâo hưn lehanăn đru čung ba mnuih ƀuôn sang Gưl dlông, Sang hră ksiêm hriăm kơ bruă kđi čar Ala čar Hồ Chí Minh lehanăn ƀuôn prŏng Hà Nội mkŏ mjing Klei bi kƀĭn trông kreh knhâo ala čar hŏng akŏ “ Hdră krŭ kgŭ kdơ̆ng mlan 8 lehanăn Hruê mkŏ mjing ala čar 2/9 – Boh tŭ yuôm hƀuê ênuk lehanăn ai hdĭp kwang lă lar”.
Klei kƀĭn trông jing hdră dôk hlăm dŭm bruă bi hdơr dŭm hruê mơak prŏng mơ̆ng ala čar, wưng bi hdơr 80 thŭn Hruê krŭ kgŭ kdơ̆ng mlan 8 lehanăn Hruê mkŏ mjing ala čar hruê 2/9.
Blŭ hrăm gĭt gai knăm anei, Kơiăng khua knŭk kna Nguyễn Hòa Bình mñă: Klei kƀĭn trông jing wưng čiăng kơ drei lŏ dlăng wĭt sa ktuê êlan jhŏng ktang mơ̆ng hƀuê ênuk djuê ana, ktưn hưn hŏng dŭm boh tŭ dưn mơ̆ng Đảng, mnuih ƀuôn sang lehanăn lĭng kahan dưi mâo lehanăn mđing truh kơ sa êdei anăp jăk siam mơ̆ng ala čar. Mơ̆ng hdră krŭ kgŭ kdơ̆ng mlan 8 thŭn 1945, hƀuê ênuk lŏ čuê čih dŭm klei jăk siam. Ênuk hnŭk êngiê, êđăp ênang dưi lŏ čuê hŏng ênuk hluh lir lăn čar,đĭ kyar lehanăn srăng lŏ dơ̆ng kpưn đĭ hlăm ênuk gưl mrâo, đĭ kyar, sah mdrŏng./.
Viết bình luận