Hlăm klei bi blŭ hrăm, dua čô khua kiă kriê bi hưn mthâo kơ hdơ̆ng găp boh klei mơ̆ng grăp  Đảng, grăp ala čar, bi yăl dliê kơ boh klei hlăm alŭ wăl lehanăn tar rŏng lăn, kơ klei bi hgŭm dua Đảng, dua ala čar lehanăn dŭm mta bruă dua nah dôk mđing.

Ksiêm wĭt boh tŭ dưn klei bi hgŭm hlăm wưng êgao, lehanăn bi tŭ ư kơ hdră hgŭm mbĭt wưng tinăp, hlăm klei lŏ mtrŭn agha êlam hĭn kdrêč bruă tĭng kơ Đảng, kdrêč kơ knŭk kna, bi kjăp bruă bi đăo knang hlăm kđi čar, mđĭ hĭn klei bi mjĕ êrô gưl khua prŏng lehanăn dŭm phŭn dhar bruă, alŭ wăl lehanăn dưn yua jih jang klei leh bi tŭ ư mkăn, lŏ dơ̆ng bi kčĕ đru hdơ̆ng găp kơ dŭm bruă ala tač êngao lehanăn alŭ wăl, lehanăn jih jang bruă djŏ tuôm mơ̆ng dua nah, hyua kjăp klei bi mguôp dua Đảng, dua ala čar hlăm ênuk gưl mrâo, ba wĭt klei tŭ dưn klă mngač kơ mnuih ƀuôn sang dua nah./.