Gưl pap brei tal anei pŏk mlar kơ phung leh anăn klei găl mkă hŏng gưl pap brei wưng hruê 30/4 mrâo êngao. Hluê anăn, phung dưi pap brei jing: Phung mnă mâo wưng kčah, phung mnă krư̆ jih klei hdĭp dưi bi hrŏ jing mâo wưng kčah, phung dôk dưi bi kdung klei ba krư̆. Phung dưi pap brei srăng mâo lu klei đĭ kyar, mâo klei bư̆ mkra jăk leh anăn dưi dăp hlăm mta hluê mâo mơ̆ng hnơ̆ng jăk kơ dlông hluê si klei čuăn hdră bhiăn lăn čar.

Lu êpul phung ngă soh gưl tal êlâo dưi pap brei msĕ si: ngă klei bi êka mnuih mkăn, mâo mơ̆ng 2 klei soh kơ dlông…Anei jing gưl pap brei tal 2 hlăm thŭn 2025, thŭn mâo lu bruă kđi čar, bruă hŏng tač êngao yuôm bhăn mơ̆ng lăn čar, lŏ bi êlam hĭn boh tŭ dưn bruă kđi čar, hdră bhiăn leh anăn klei jăk anak mnuih mơ̆ng hdră êlan pap brei klei soh.