Hruê mbruê 8/7, boh sa thŭn Khua gĭt gai Đảng Nguyễn Phú Trọng djiê. Mnuih ƀuôn sang hlăm lăn čar čuh brui mgưi bi hdơr kơ ayang Khua gĭt gai Đảng Nguyễn Phú Trọng hlăm hruê hdơr hruê djiê tal êlâo. Knuă druh, đảng viên leh anăn mnuih ƀuôn sang drei hdơr nanao leh anăn mpŭ kơ sa čô thâo mĭn, mâo klei thâo prŏng mơ̆ng klei krŭ kdơ̆ng Việt Nam, sa čô mâo klei mĭn knhâo, sa čô dhar kreh, hla čhiăm gru hlăk mblang mơ̆ng Đảng. Hŏng êbeh 57 thŭn bruă Đảng, đĭ hriê kơ prŏng hlăm bruă krŭ kdơ̆ng. Ñu jing gru mngač kơ knhuah hdĭp leh anăn kơhưm mơ̆ng sa čô lĭng kahan cộng sản siă suôr, jih ai tiê ngă bruă kyua lăn čar, đru kơ mnuih ƀuôn sang . Dŭm klei duh myơr êdeh êdi mơ̆ng ayang Khua gĭt gai Đảng Nguyễn Phú Trọng dôk nanao hlăm lăn čar leh anăn mnuih ƀuôn sang. Ayang Khua gĭt gai Đảng Nguyễn Phú Trọng lui leh mnơ̆ng kriê pioh mơ̆ng sa klei thâo mĭn prŏng, klei mbruă prŏng, sa čô mâo klei knhâo, sa čô dhar kreh, hla čhiăm gru hlăk mblang mơ̆ng Đảng.

Knhuah hdĭp leh anăn knuih kniêng mơ̆ng Khua gĭt gai Đảng Nguyễn Phú Trọng jing mơ̆ng sa čô đảng viên cộng sản siă suôr, mâo kơhưm prŏng, jing mta phŭn bi kƀĭn klei bi mguôp, bi sa ai hlăm kluôm Đảng, jih jang mnuih ƀuôn sang, lĭng kahan. Anăn leh anăn bruă knuă, klei duh myơr, klei thâo leh anăn knhuah hdĭp mơ̆ng ayang Khua gĭt gai Đảng Nguyễn Phú Trọng srăng adôk nanao hlăm hƀuê ênuk hing ang mơ̆ng Đảng drei, djuê ana drei, hlăm klei bi hdơr, klei klei mpŭ mơ̆ng phung knuă druh, đảng viên leh anăn mnuih ƀuôn sang, hlăm anăn mâo wăt klei khăp mơ̆ng mah jiăng tar rŏng lăn.