Blŭ ti knăm anei, Khua knŭk kna Phạm Minh Chính lač klă: Thŭn 2025 mâo boh tŭ yuôm, jing thŭn mjing boh kdrŭt đĭ kyar pral, hluê ngă tŭ dưn Hdră kčah mđĭ kyar bruă duh mkra ala ƀuôn 5 thŭn 2021 – 2025, kluôm ala dôk gĭr ktưn bi leh dŭm mta kñăm mđĭ kyar bruă duh mkra -ala ƀuôn thŭn 2025; boh nik gĭr mâo hnơ̆ng đĭ kyar jih thŭn mâo 8% kơ dlông, mbĭt anăn mđing ngă leh dŭm bruă klam mâo jao čĭăng kkuh mơak 80 thŭn hruê mkŏ mjing ala čar, kkuh mơk Klei bi kƀĭn bruă Đảng dŭm gưl, anăp truh kơ Klei bi kƀĭn bruă Đảng kluôm ala tal 14.

Khua knŭk kna lač, mơ̆ng ară anei truh kơ hruê 31/12/2025 knŏng dôk 5mlan, bruă dôk lu, hlăm anăn mđing kơ anôk bruă nah gŭ, pŏk êlan, mjing tur knơ̆ng kơ dŭm anôk bruă, mjing boh kdrŭt mrâo kơ lăn čar, pŏk wăl anôk đĭ kyar mrâo, mđĭ ai bi ktưn hlăm lehanăn êngao ala čar./.