Blŭ hrăm ti knăm anei, Khua knŭk kna Phạm Minh Chính mñă: Hdră mkŏ mjing, bi khuăt anôk bruă knŭk kna mŏng Việt Nam dưi hluê ngă kjăp, mdrăm mbĭt mŏng Gưl dlông truh kơ alŭ ưăl. Mbĭt hŏng bruă lŏmkŏ dăp anôk bruă hŏng sa hdră kreh knhâo, Việt Nam mđing kơ bruă bi hrŏ ênoh mnuih mă bruă, mđĭ hnơ̆ng thâo êpul knuă druh, mnuih mă bruă.

Hdră mkŏ dăp dưi hluê ngă hŏng klei ngă phŭn mil pô, kluôm ênŭm, kpă mngač, mâo klei sa ai hlăm mnuih ƀuôn sang – jing pô phŭn dưn boh tŭ hdră mkra mlih. Ƀiădah ti dlông hĭn jing ai tiê gĭr ktưn kpưn đĭ – jhŏng bi mlih čiăng kpưn đĭ mđing truh kơ sa êdei anăp jăk siam hĭn./.