Msĕ si, mâo 67 čô hđeh hriăm hră adŭ hđeh điêt, 155 hđeh hriăm hră gưl 1, 101 čô hđeh hriăm hră gưl 2 lehanăn 25 čô hđeh hriăm hră gưl 3 ti dŭm sang hră truăn ti dŭm boh sang hră ti ƀuôn hgŭm Quy Nhơn lehanăn ƀuôn hgŭm riêng gah. Jih jang hră mơar akâo mŭt hlăm dŭm boh sang hră mrâo, dưi ksiêm dlăng lehanăn mjing djăp klei găl dưi bi mlih anôk hriăm.

Čiăng dăp bi jăk klei anei, knơ̆ng bruă sang hră maơr čar Gia Lai bi mguôp leh hŏng knơ̆ng bruă sang čư̆ êa dŭm boh ƀuôn hgŭm lŏ ksiêm dlăng hnơ̆ng hriăm, anôk mtô bi hriăm, ênoh hđeh hriăm lehanăn phung nai mtô ti dŭm boh sang hră. Phạm Văn Nam, Khua knơ̆ng bruă sang hră mơar čar Gia Lai, brei thâo, bruă tŭ jum, lehanăn dăp anôk hriăm kơ hđeh čiăng bi hơĭt hriăm hră mơar êlâo kơ mŭt hriăm thŭn mrâo./.